ኣቡነ መቃርዮስን ኣቡነ ሲኖዳን ዝመርሕዎ፡ ካብ መስከረም 1- 3 2023 ዝተኻየደ ጉባኤ፡ ምስ ወጻኢ ሃገራት ዝሳነ ውሽጣዊ መመሓደሪ ሕጊ ቤተ ክርስቲያን ነዲፎም፡ ንምጽዳቝ ክሰርሑ ከም ዝጸንሑ ድሕሪ ምጥቃስ፡ አብ አስመራ ዝርከቡ ”ብፁዓን” ዝበልዎም ጳጳሳት፡ ንዕርቅን ሕውየትን ኢዶም ኪዝርግሑ ዝጽውዕ መግለጺ ከም ዝሃቡ’ውን፡ መርበብ ሓበሬታ www.tewahdo.org ተዋህዶ ዶት ኦርግ ሓቢሩ’ሎ።

ብፍላይ ኣብቲ ብቛንቋ እንግሊዝ ተጻሒፉ ዝወጸ ሓበሬታ ከም ዘመልክቶ፡ ዓርቢ፡ ባሕቲ መስከረም 2023 ኣብቲ ዝተነድፈ መመሓደሪ ሕጊ ቤተ ክርስቲያን፡ ጽዑቕ ዘተ ከካየድ ከሎ፡ ኣብታ ዝቐጸለት መዓልቲ፡ ቀዳም 02 መስከረም 2023 ድማ፡ እቲ ዘተ ቀጺሉ ከም ዝወዓለን፡ ኣብ መወዳእታ እታ መዓልቲ ኸኣ እቲ መመሓደሪ ሕጊ ተቐባልነት ረኺቡ ብወግዒ ከም ዝጸደቐን እቲ መርበብ ሓበሬታ የረጋግጽ።