ህደም!
“ኣታ ናይ ኣምላኽ ሰብ፡” ብምባል’ዩ ዝጠቕሶ፡ ሃዋርያ ጳውሎስ ንጢሞቴዎስ። ናይ ኣምላኽ ሰብ ክዀኖ ዝግብኦ ክምዕዶ ከሎ ድማ “ካብዚ ህደም” ይብሎ። እታ “ካብዚ” እትብል ቃል፡ ሓቝፋቶ ዘላ ሓሳባት፡ ሰፊሕ ዝርዝር ዝሓዘ’ዩ።
- በቲ ጥዑይ ቃል ጐይታና የሱስ ክርስቶስ፡ በቲ ኣምልኾ ዘለዎ ምህሮን ዘይተታሕዘ
- ብኽትዕን ብዜብእስ ዘረባን ዝሓመመ
-ቕንኢ፡ ባእሲ ጸርፊ፡ ሕሱም ጥርጥር
-ኣምልኾስ መገባብሮ ረብሓ ኸም ዝዀነ ዝመስሎ
-ብፍቕሪ ገንዘብ ዝተጠቕዐ
ንጢሞቴዎስ ዝተዋህቦ ምኽሪ “ካብዚ ህደም!” ዝብል’ዩ። ክሃድም ከሎ፡ ኣንፈት ጉዕዞኡ ምእንቲ ከይደናገር ድማ፡ “ደድሕሪ ጽድቂ፡ ኣምልኾ፡ እምነት፡ ፍቕሪ፡ ትዕግስቲ፡ ህድኣት ሰዓብ” ብምባል ተሓበሮ። ኣንፈት ጉዕዞና ናበይ ኣቢሉ ይመርሓና’ሎ፧!
